bthj

Nýbökuð gosmyndbönd daglega

bthj — Sat, 17 Apr 2010 12:36:07 +0000

Get Flash to see this player.

bthj.is/eldgos

Það rættist úr veðrinu við gosstöðvarnar á Fimmvörðuhálsi seinnipartinn á afmælisdaginn en þá upp úr hádegi ákváðum við að keyra austur í Þórsmörk, Vignir mágur og þrjár dætur, Bjarni Þór og Stefán Þór en þeir tveir hossuðust í smájeppanum með mér inn ’smörkina - drei männer im Jimny, 3. apríl og þriðja ferðin að eldsumbrotunum en áður hafði ég flogið yfir og fengið jeppafar að hraungosinu.

Á leiðinni austur voru Eyjafjöllin bólgin af óveðursskýjum en svo létti til síðdegis þegar við keyrðum inn með Markarfljóti og dásamlegt veður í Básum. Þar fréttum við að best væri að sjá frá Útigönguhöfða svo við stefndum þangað í stað þess að leggja á Morinsheiði eins og hafði verið í plani en á stígamótunum við Réttarfell fréttum við hjá þeim sem höfðu víða ratað að af því felli væri best að sjá, svo við gengum þangað og þar var virkilega flott að sjá í nýopna sprunguna.

Svo eitt sinn þegar ég leit inn á eina af vefmyndavélunum sem er beint að gosinu datt mér í hug að heyja úr henni myndir, eina fyrir hverja mínútu, og raða saman í time-lapse myndskeið, tólf á sekúndu. Gerði tilraun og setti nokkur myndskeið í möppuna og bar undir umsjónarmenn vefmyndavélarinnar sem leist stórvel á þetta framtak og nú er það komið í þann farveg að hvern dag er sjálfkrafa keyrt út á vefinn myndskeið úr myndum gærdagsins og heilar vikur hafa einnig verið teknar saman.

Þetta er útfært í Bash skeljarskriftum sem nýta sér forritin cURL, ImageMagick og FFmpeg og eru knúnar af cron. Skrifturnar eru skrifaðar í Vim og ShellEd og þær má lesa á
http://volcano-webcam-to-time-lapse-video.googlecode.com

Skeytla

bthj — Wed, 10 Feb 2010 11:00:06 +0000

Með Skeytlunni má leita að upphafi og endum orða á einfaldan hátt:

skeytla.bthj.is

Hún getur þannig hjálpað til að finna endarím@ og @stuðla og @höfuðstafi. Með því að rita @ merkið fyrst og svo nokkra bókstafi koma fram orð sem byrja á þeirri runu, með @ merkið aftan við stafarunu koma fram orð sem enda á henni.

Skeytavélin byggir á gögnum úr Beygingarlýsingu íslensks nútímamáls sem Stofnun Árna Magnússonar í íslenskum fræðum opnaði nýverið aðgang að á Orðið.is

Sjá hér notkun skeytlunnar í skjávarpi eða skelltu þér á skeytluna:

- skeytluskjávarp á Vimeo

Frekari útfærsla

Það gæti verið snjallt að gera notendum Skeytlunnar kleyft að vista það sem þar er smíðað og gefa kost á að koma því á framfæri á Skeytluvefnum sjálfum og tengja við aðra vefi; þannig mætti sjá fyrir sér einn gest varpa fyrriparti á Skeytluna og um leið birta hann á Facebook og Twitter þaðan sem áhugasamir gætu komið með sína botna.

Tæknilýsing

Vefur Skeytlunnar byggir á Tornado og MySQL grunni og mesta púðrið liggur enn sem komið er í aðlögun á jQuery Autocomplete viðbót fyrir skeytluna.

Forritstextinn er aðgengilegur á skeytla.googlecode.com

Verkefnið er unnið á Ubuntu Linux sýndarvél innan Windows 7 hýsils í forritunarumhverfinu Eclipse með Pydev og Subclipse viðbótum. Einnig var unnið með hugbúnaðinn MySQL Workbench, recordMyDesktop, GIMP, RealVNC, PuTTY, Notepad++, Python, jQuery, foobar2000, Firefox, Google Chrome, Safari, Opera …og já, Internet Explorer.

skeytla.bthj.is er hýst á vefjum hlaðinni Pentium III 1GHz vél með 767MiB vinnsluminni sem er einnig knúin af Ubuntu.

Uppflettiorðablaðran er byggð á grafík af vef Já. Þeir fáu litir sem Skeytlan skartar koma úr kuler.

Góða skemmtun á skeytlunni : )

Seeschwimmen

bthj — Sun, 21 Jun 2009 20:04:01 +0000

Sjósund sautjánda júní 2009, þegar Birkir, Björn Þór og Orri syntu frá Kópavogi yfir Fossvoginn til Nauthólsvíkur, nánast eins og það hefur áður birst á féschinu en hér eftir aðra ítrun, ífiktað og knúið af þýsku elektrópoppi:

http://www.youtube.com/watch?v=rJnOhHaONAo

Eftir gott garðpulsupartí hjá Birki og Malin seinnipart sautjánda júní komu þau yfir með Sindra ásamt Stefáni Þór og Sólveigu til áframhaldandi snæðings og síðar um kvöldið stakk Brynjar inn nefinu. Þegar tók að líða á kvöldið fórum við að líta á HD myndefnið sem Bjarni Þór hafði tekið upp á fimmuna hans Birkis. Klippiforritið sem ég er með nær ekki að spila þessar schvínþungu HáDé skrár í rauntíma eins og þær koma af skepnunni - þetta er víst allt miklu betra á makkanum - en þegar ég áttaði mig á að leyfa því að rendera preview skrár fyrst (ýta á enter á tímalínunni) þá var alveg smúþ að vinna með efnið. Svo klukkan ellefu, þegar við Birkir vorum búnir að hrekja aðra gesti á brott með nördaskap, ákváðum við að setja saman eitthvað úr þessu og gáfum okkur klukkutíma. Klukkutíma og kortéri eftir að sá frestur var liðinn var komið úttakið sem dúndruðum inn á fésið.

Núna um helgina er búið að vera ágætt inniveður og mig langaði að fikta aðeins meira í þessu, hefla nokkra kanta og knýja þetta áfram með Kaltes Klares Wasser af plötunni Chicks On Speed Will Save Us All! Rytminn í kortinu minnir mig núna svolítið á þá athöfn að reka nagla í við.

Jawohl!

FUNDURINN

bthj — Sun, 10 May 2009 20:29:35 +0000

Get Flash to see this player.

FUNDURINN byggir á þeirri súrrealísku upplifun sem einleikarinn varð fyrir þegar hann kom að vinnufélaga sínum í því ástandi sem er reynt að endurskapa í myndinni.

Styttri útgáfa myndarinnar var frumsýnd á árshátíð HugarAx 2. maí 2009 í Stykkishólmi. Stiklan var gerð til gamans og sett á innra net fyrirtækisins nokkrum dögum áður. Myndin sjálf var ekki gerð til gamans en vakti samt hlátur á frumsýningunni. Veit ekki afhverju.

Dótagígur

bthj — Wed, 15 Apr 2009 01:16:27 +0000

Módelmynd?

Neibb, þessi mynd er tekin frá Laka en tiltshiftmaker.com er skemmtilegt veftól til að herma eftir tilt-shift tækninni og fá þannig fram svona smámyndaáhrif.

Deep Zoom Flatey 2008

bthj — Mon, 23 Feb 2009 04:38:06 +0000

Flatey á Breiðafirði í ágúst 2008.

Um notkun og fleira í Langasjópóstinum.

Sjá einnig þessa samklippu í Silverlight.

Langisjór 2008 í deep zoom

bthj — Mon, 23 Feb 2009 04:30:32 +0000

til að súmma inn og út má hreyfa músarhjólið fram og til baka yfir myndinni, eða smella á myndina til súmma inn og shift-smella til að súmma út, ( + ) ( - ) takkana á myndinni má líka nota.
smella og draga til að hliðra
með því að smella á heim hnappinn næst-lengst til hægri (mynd af húsi) má kalla fram heildarmyndina með fljótlegum hætti
fjórði takkinn fær myndina til að fylla út í síðuna

Setti þetta saman fyrir myndakvöld með Deep Zoom Composer sem er hugbúnaður frá Microsoft á þróunasrstigi til að raða í svona deep zoom myndapíramíða. Þessi hugbúnaður stílar helst inn á Silverlight tæknina, sem krefst þess að slík viðbót sé í vafranum þínum en hér á síðunni er þetta birt með Ajax útfærslu sem virkar í nýlegum vöfrum á öllum stýrikerfum án frekari uppsetningar. Það má líka skoða þessa samklippu í Silverlight (ef ekki uppsett hjá þér þá birtist hlekkur á viðbótina, sem er fljótlegt að setja upp) sem er vissulega aðeins mýkra að flakka um (en líka gallað; heildarmyndin sést ekki öll í upphafi og músarhjólið er óvirkt þegar fyllt út í síðuna).Þetta er stórskemmtileg tækni sem ég hef aðeins verið að skoða í tengslum við annað verkefni og fyrir það fann ég Deep Zoom TileCutter skrifaðan í Python sem virkar vel til að bryðja myndapýramíða út frá stökum gríðarstórum skrám; skrifa um það síðar.Til að gera svona samklippu af mörgum myndum er gaman að nota þennan Deep Zoom Composer, smekklega gert forrit en líka nokkuð greinilega í þróunarútgáfu. Það tók nokkurn tíma að læra inn á takmörk græjunnar; það fyrsta sem mér datt í hug fyrir þetta myndakvöld var að taka úrval mynda frá árinu 2008 í fullri upplausn, sem voru bara um 500 stykki @ 2GB, og dúndra inn í forritið og byrja að raða saman en græjan var ekki alveg að höndla slíkan pakka og jafnframt ekkert sérlega dugleg að kvarta, hegaði sér bara undarlega. Það næsta sem ég reyndi var að takmarka myndirnar í sama bunka við 1900×1200 pixla ramma og troða í tólið en það fór bara á hnén. Svo niðurstaðan var að velja eitthvað frá árinu, eins og þetta Langasjósævintýri með Lundaböggum, og hafa myndirnar í samsetningunni einhversstaðar innan við 100 stykki eða um þann fjölda sem má sjá hér. Reyndar sé ég núna að fyrir nokkrum dögum kom út nýrri útgáfa af tólinu en sú sem ég notaði og hún á að höndla minni eitthvað betur.Samklippuna hér að ofan hýsi ég á eigin þjóni og skrárnar 8.594 sem hún samanstendur af (flísarnar í myndapíramíðanum) taka 102MB og skila sér þokkalega hratt yfir ~1Mbit ADSL (upp)línuna sem þetta er á núna. Samsetningarforrtið er með innbyggða tengingu við PhotoZoom Silverlight hýsingarþjónustu sem mér tókst ekki að koma þessari samklippu inn á (þjónninn skilaði http 500 villu) en það gekk betur með minni samsetningar.

Samsung SGH-D600 repair

bthj — Sat, 29 Nov 2008 19:09:32 +0000

Here’s a post for anyone having trouble with buttons not working on a Samsung SGH-D600 phone. The short version is that it may just be caused by a damaged internal ribbon cable.

The buttons on my SHG-D600 stopped working and I searched the web for answers to what might be the problem but only found unanswered questions similar to mine, so I thought I’d describe how I fixed my phone, for anyone with a phone in a similar condition who might land here via web search:

First of all only the top control buttons on my phone stopped working, on the top sliding part, not the dial buttons on the lower part. Initially I thought the phone only needed internal cleaning and though I’m not much of a DIYer I thought it might be worth ripping the phone apart to see if there would be anything simple enough for me to fix, and if not then I would just throw it away having spent about an hour doing an unusually nerdy exercise.

So I borrowed a couple of tiny star screwdrivers and watched a video showing disassembly of a Samsung SGH-D600 to get some idea of what I was doing. Once the phone was disassembled it was obvious that dirt couldn’t be causing the dysfunctional buttons as that mechanism is in a mould where dirt wouldn’t get in. But I saw the most likely cause: The ribbon cable connecting the two sliding parts had some damage, was a little crushed, due to wear it seems. And that was indeed the case. On the web it was easy to find spare ribbon cables for this model (but actually a local repair shop gave me a broken SGH-D600 to use for spare parts) and replacing the worn cable was enough to get the phone in good order again.

A damaged ribbon cable in the SGH-D600 would also cause a dysfunctional display.

So, this was an unusually nerdy DIY exercise for me and was actually somewhat enjoyable and hopefully I’ve placed enough keywords in this post to land a Samsung SGH-D600 owner having dysfunctional buttons in search for a solution : )

veitumeski

bthj — Fri, 28 Nov 2008 00:43:37 +0000

Er ennþá að spá í góðri þýðingu á mashup. Fyrstu hugmyndir voru:

vefstappa
veitustappa

svo er pæling í

vefmeski
veitumeski

Nokkuð veikur fyrir þessu síðasta. Kannski er það nálægt því að vera nógu almenn þýðing á mashup í veftæknilegum skilningi?

Eða er vefblanda kannski bara málið?

veitur pípulagðar

bthj — Wed, 19 Nov 2008 01:16:38 +0000

RSS efnisveitur sem tengjast bthj.is eru nú komnar í eina pípulögn á vegum Pipes, sem er einskonar mashup apparat.

Finn ekki góða þýðingu á mashup. Mætti kannski segja vefstappa, veitustappa eða vefsuða? Sendi erindi á fagþýðendur…

Google Reader hentar vel í að fylgjast með svona veitum á einum stað.